Lífið á Sunnubrautinni

Er búin að færa mig...

Tue, 03 Jul 2007 11:48:55 GMT

.. um set. Kann ekki alveg nógu vel við þetta held ég, ætla að prufa annarsstaðar, sjáum svo bara til. Kíkið endilega á okkur á nýrri síðu, slóðin er:

storfjolskyldan.bloggar.is

HLAKKA TIL AÐ SJÁ YKKUR ÞAR, KVITTIÐ ENDILEGA ÞAR SVO ÉG VITI AÐ ÞIÐ HAFIÐ RATAÐ ÞANGAÐ.......

sumarfrí

Fri, 22 Jun 2007 15:11:00 GMT

Nú er ég að nota tækifærið og skelli inn hér einni færslu þar sem ég er stödd i heimsókn hjá Ernu vinkonu. Tilefnið er aðallega að segja þér Kristín Ása (hún skrifaði kveðju í gestabókina)að börnin eru sko orðin 5! auk eins kattar og helling af fiskum..........

Gaman að fá kveðjuna frá þér í gestabókinni og já, það væri gaman að hittast :P

Erum í smá sumarfríi núna, þess vegna er lítið um blogg þessa dagana en Ásdís er að passa húsið og dýrin en reyndar varð lítið úr fríinu hans Óskars Inga þar sem hann varð að sinna starfi sínu og hann er því að mestu heima við en ég er með þrjú þau yngstu í borginni, Diddi og Erla Dögg eru hjá Oddi.

sumarblíða

Tue, 12 Jun 2007 15:34:50 GMT

Er búin að sitja úti í sólinni - litlu krakkarnir á leikskólanum, Hlöðver Smári í heimsókn á Fjósum og stóru kallarnir að vinna.......

Hér er bara allt við það sama, allir í góðu formi, við fengum gesti í gær, um morguninn kíktu Hugrún, Sía, Skarphéðinn og Helena í heimsókn. Þegar þau fóru þá skiptum við á börnum, Helena varð eftir hér og Hlöðver fór með Skarphéðni.

Eftir hádegi þá komu Siggi og Beta með sín 3 börn. Það var gaman að hitta þau - við höfum held ég ekki séð þau síðan í brúðkaupinu okkar árið 2002........ þau áttu bara 2 börn þá.......

Gaman að því :P

Hlöðver Smári fór svo á íþróttaæfingu niðri í dal klukkan sex og var alveg til að verða átta - rosa fjör :P

Jæja, best að skella sér út og hengja upp þvott á útisnúrurnar - heyri að þvottavélin er að klára :haha:

Eigið góðan dag :P

Ég segi það enn og aftur - sumarið er yndislegt :-)

Sun, 10 Jun 2007 23:07:02 GMT

Í morgun fór Hlöðver Smári í heita pottinn á Fjósum með Skarphéðni og Helenu. Rétt eftir hádegi fór ég þangað með Kristrúnu og Jónas og skildi þau þar eftir ásamt Hlöðveri, tók Hugrúnu með mér og við fórum í Snókdalskirkju að syngja við fermingu. Jörundur, Hjörtur, Sía, Siggi, Hákon, Hildur, Skarphéðinn og Helena sáu um að halda krökkunum mínum selskap á meðan við vorum í kirkjunni. Athöfnin gekk vel en það var HEITT ! ÚFF okkur í kórnum var svo heitt og líka fólkinu í kirkjunni skildist mér en enginn leið útaf þannig að þetta var allt í fína.

Eftir messu skutlaði ég Hugrúnu heim og tók krakkana með mér. Hlöðver fór til Elínar vinkonu sinnar (Fjósafólkið var allt á leiðinni í fermingarveislu) en ég fór heim með litlu krakkana og dreif mig að hengja út þvottinn úr þvottavélinni og setja í aðra vél. Þegar ég er komin inn hringir Óskar Ingi og segir mér að okkur hafi verið boðið í eina veisluna. Ég dreif Kristrúnu í sparikjólinn sinn og tók til sparifötin hans Jónasar því hann var sofandi úti í bíl. Við drifum okkur svo í veislu í Árblik - og það var sama veislan og allt Fjósafólkið var í og það var bara fínt:P:P

Við komum ekki heim fyrr en um klukkan sjö, þeir sem vildu fengu sér að borða og svo fljótlega fóru litlu stýrin að sofa.................. ég dreif mig út í garð og stakk upp gras þar sem hefur einhverntíman verið kartöflugarður, henti grasinu og stakk svo upp moldina. Ég fékk kartöflur hjá Hugrúnu sem voru aðeins farnar að spíra - setti svo niður 22 kartöflur, jafnaði þennan nýja garð og tíndi allt afgangs gras og rusl og gerði moldina voða fína. Veit ekki hvort ég þarf að vökva líka ??? Nei nei varla...... en allavegana þá afrekaði ég að búa til smá kartöflugarð - hver veit nema hann stækki næsta vor..... vildi bara prufa smá núna.

Jæja verð að fara að finna mér handáburð - verst er að ef ég er svona dugleg í garðinum og er ekki með vettlinga þá verða hendurnar á mér svoooo þurrar eftir moldina.

En allavegana - sumarið er tíminn - yndislegt alveg :haha::haha:

Njótið þess !

Sumarið er tíminn........

Fri, 08 Jun 2007 15:19:47 GMT

Sumarið er komið - allavegana hingað í Dalina :P Ég er í smá pásu núna, var að enda við að slá garðinn fyrir framan, sólin skín, hitinn kominn í 15 gráður, Jónas Vilberg og Kristrún Inga úti í garði í tjaldi með kex og dót, Kisi að sniglast í kringum þau,Hlöðver Smári úti að hjóla með Halla, Diddi inni í herbergi með Dagmar að horfa á mynd í tölvunni............. já greinilegt að sumarið er komið.

Ég ætla að fara í Kríuna á morgun með Hlöðver, Kristrúnu og Jónas. Diddi er velkominn með en ég er ekki viss um að hann nenni....... kemur bara í ljós. Ohhh ég vona að veðrið verði svona í allt sumar.

Jæja þetta þýðir ekki - verð að skella í eina þvottavél svo ég geti hengt út á snúrur.......og halda áfram að slá garðinn;)

Sól sól skín á mig, ský ský burt með þig..........

Þá fer að róast.....

Wed, 06 Jun 2007 14:16:14 GMT

Nú er farið að róast á þessu heimili og hægt að fara að hugsa um sumarið 8) Það hlýtur nú að fara að láta sjá sig - reyndar er búið að vera flott veður í dag, sólarlaust reyndar en frábært veður, hlýtt og logn.

Hér er allt fínt að frétta, reyndar er enn erfitt fyrir Kristrúnu Ingu að sofna snuðlaus og getur það tekið allt uppí tvo tíma fyrir hana að sofna. Hún spyr ekkert um það á daginn og reyndar ekkert á kvöldin heldur en vantar það samt mikið. Ég vona að þetta fari að koma hjá henni.

Nú sprettur allt hér og ég verð víst að fara að bretta upp ermarnar og fara að drífa mig út að slá grasið. Það vex og vex eins og allt annað hér í garðinum ;)

Í gær voru skólaslitin hjá strákunum stóru og fengu þeir bara fínar einkunnir. Nú er Diddi byrjaður í unglingavinnunni, hann vinnur frá klukkan átta á morgnana til þrjú á daginn - er í hádegismat á milli tólf og eitt.

Hlöðver Smári er í sumarfríi og nýtur þess í botn8)8) Hann hélt uppá afmælið sitt í gær fyrir bekkjarfélgagana og vini og það var svaka fjör eins og við var að búast.

Ég er að fara að setja inn myndir úr fermingunni hans Didda, endilega skoðið þær.

Læt þetta duga héðan í bili af Sunnubrautinni.

Nýtt sófasett

Mon, 04 Jun 2007 11:59:56 GMT

Við fórum suður á föstudaginn og kíktum á Erlu Dögg afmælisbarn dagsins :P

Það var svo gott veður að það var svo erftitt fyrir litlu krakkana í bílnum í þessari miklu sól að þau urðu bæði bílveik.......... Kristrún Ingaa er orðin svo dugleg að hún lét vita að hún ældi í poka en Jónas lét ekki vita þannig að hann bara gusaði yfir sig.......... en við fórum svo bara og keyptum fyrir hann buxur og fórum svo ég, Óskar Ingi, Erla Dögg, Diddi, Kristrún Inga og Jónas Vilbert á Kentucy að borða - Hlöðver var farinn að vinna með Oddi pabba sínum í bílabúð Benna - svaka gaman.

Svo keyrðum við stóru krakkana heim í Rósarimann og fórum heim með þau litlu.

Í gær söng ég við fermingu í Kvennabrekkukirkju og Óskar Ingi fermdi.......Ásdís passaði litlu stýrin á meðan og svo var okkur boðið í fermingarveislu til Ívars Atla. Svaka gaman og gott þar.

Á laugardaginn þá fékk ég frábæra sendingu hingað. Ég á afmæli í dag (svona til upplýsingar fyrir ykkur öll sem lesið þetta en vitið ekki af því......geri vöfflur með kaffinu á eftir ef þið viljið) og í tilefni þess þá gaf maðurinn minn mér laaangþráða gjöf. Hann gaf mér nýtt sófasett!! Já þið lásuð rétt SÓFASETT! Ég fékk að vísu að velja líka og fórum við í það á föstudaginn en mér fannst eitthvað erfitt að skella mér á eitt slíkt - en á laugardaginn í hádeginu þá bað ég mömmu og pabba að fara fyrir mig í Húsgagnahöllina og kaupa þetta fyrir mig (það var sko lagt inn á reikninginn hennar fyrir því Erna!) því ég var svo hrædd um að þetta myndi verða búið ef ég drifi ekki í því. Sem betur fer bað ég þau um það því þeim skildist að þetta væri síðasta settið !!! Fyrir utan það sem var útstillt í búðinni væntanlega.....

En þau gerðu sko meira - mamma hringdi í mig svona 2 tímum eftir að ég bað hana um þetta og lét mig vita að þau væru búin að fara út í Garðabæ að sækja stóran bíl, búin að fara niður í Holtagarða að sækja settið og ættu bara eftir að taka olíu á bílinn og fá sér eitthvað að borða og svo kæmu þau til okkar með nýja sófasettið ! :haha::haha::haha::haha:

Þau eru engum lík! Takk fyrir það elsku mamma og pabbi ! Þið eruð sko yndisleg! Þau komu hingað rétt fyrir klukkan sex á laugardagskvöldið og síðan fóru pabbi og Óskar Ingi í það að bera inn frábæra nýja fallega sófasettið mitt !!

Það gekk vel miðað við aðstæður - stórt sett og mjóar dyr...........allt hafðist það samt.

Ohhh ég er svo ánægð með þetta !

Hér sjáið þið settið:

Glæsilegt ekki satt ?!?!?

Nóg um að vera

Thu, 31 May 2007 17:31:51 GMT

Já hér er nóg búið að vera að gera - fermingin og fermingarveislan gengu mjög vel, margir mættu og það var gaman. Skemmtilegt að hitta allt fólkið okkar en verst er að geta talað stutt við hvern og einn :D

Diddi er ánægður eftir daginn sinn, svo átti Hlöðver Smári 9 ára afmæli daginn eftir og það kom fullt af fólki í afmæli til hans. Svo færi hann að halda afmæli fyrir skólafélagana í næstu viku.

Erla Dögg á svo afmæli á morgun, hún verður 17 ára skvísan - ójá tíminn líður allt of hratt !

Strákarnir fara suður um helgina og svo bara byrjar unglingavinnan hjá Didda á mánudaginn (og þá á ég afmæli ;) - allir á sama tíma......) þannig að ekki er mikið fríið hjá honum núna en hann tekur sér samt eitthvað frí seinna í sumar.

Læt þetta duga héðan í bili - fannst bara ég verða að blogga smá til að láta frá okkur heyra.

Takk fyrir að mæta í ferminguna og veisluna þið sem þangað komuð og takk fyrir drenginn! :P:P:P

Fermingarundirbuniningur

Sat, 26 May 2007 21:47:25 GMT

Ætla bara aðeins að kastsa a ykkur kveðju - eins og þið sjaið þa er ekki enn hægt að gera kommustafi her en þetta er liklega ekki virus eins og við heldum, heldur eitthvað annað en eg hef ekki tima til að kikja a það fyrr en eftir fermingu.

Það er allt buið að vera a fullu i dag og svo a eg bara eftir að baka sma i kvöld og þa er þetta allt smollið saman held eg bara. Þetta verður bara gaman og flott held eg.

Fermingin er semsagt a morgun og vonandi verður bara gott veður a okkur þa.

Bestu kveðjur til ykkar allra og hlakka til að sja ykkur sem komið a morgun.

Hann er tveggja ara i dag......

Wed, 23 May 2007 09:38:31 GMT

Hann er 2ja i dag, hann er 2ja i dag, hann er 2ja hann Jonas Vilberg, hann er 2ja i dag.......... :haha::haha::haha::haha::haha::haha:

virus........

Tue, 22 May 2007 10:27:47 GMT

Akvað að lata vita aðeins af okkur her. Eg hef ekki bloggað þvi það er þaulsetinn virus i tölvunni minni sem gerir það að verkum að það er ekki gaman að skrifa þvi að stafi með kommu yfir er ekki hægt að skrifa þvi það koma alltaf tvær kommur eins og t.d. ´´a ´´o ´´u ´´i o.s.frv. Lykla Peturinnn minn vinnur ekki a henni en eg er buin að senda skyrslu i Friðrik Skulason og þeir eru að kikja a þetta fyrir mig.

Heðan er allt fint að fretta - fermingarundirbuningur kominn i fullan gang, þetta verður voða gaman og mikið yrði eg glöð ef veðrið yrði komið i meiri sumarskap en það er i nuna...........en samt skiptir það auðvitað ekki öllu mali þvi við verðum nu að mestu inni.....

Ja verð að segja ykkur það samt að Kristrun Inga duglega er HÆTT með snuð!! Það er rosa erfitt en hun hefur ekki verið með snuð siðustu 3 nætur og gengur bara vel eftir að hun er sofnuð - það tekur soldið langan tima að sofna en það fer örugglega að koma. Hun er allavegana svakalega dugleg:P:P:P

Hlakka til að sja ykkur sem komið um helgina!

Njotið hvers dags, lifið i nuinu8)

Jibbí

Wed, 16 May 2007 11:58:14 GMT

Náði öllu ! :haha::haha:

Í gær fór ég með leikskólanum í vorferðalag í Daníelslund. Það er skógurinn sem er rétt hjá Baulu - ég veit ekki hvað oft ég hef keyrt þarna framhjá og oft horft á öll trén en aldrei gefið mér tíma til að stoppa þarna. Þarna er bara paradís! Frábær skógur og góð aðstaða. Þetta var bara eins og að vera kominn til útlanda;) Jónas Vilberg var jafn duglegur og stóru krakkarnir að labba í skóginum - alveg frábær. Hann vill ekki vera eftirbátur systur sinnar..................

Í Daníelslundi voru grillaðar pylsur og þær borðaðar, síðan var farið í Baulu þar sem var keyptur ís í boxi á línuna. Þar léku krakkarnir sér í svolitla stund á meðan við hin nutum sólarblíðunnar.

Frábær ferð - ég er búin að setja inn myndir úr ferðinni, kíkið á þær.

Ég nenni ekki að skrifa meira - var nefninlega búin að skrifa helling áðan en það þurrkaðist út........ en það var svosem ekkert merkilegt hehe;)

Sumarfrí :-)

Mon, 14 May 2007 10:07:50 GMT

Prófin búin hjá mér og ég komin í sumarfrí :) nema ég skrái mig í eitthvað smá í sumar.......hver veit:o Diddi byrjaði í sínum prófum í dag, Hlöðver byrjar á morgun og Erla Dögg er að klára - fer í síðasta prófið á fimmtudaginn. Vonandi gengur þeim öllum vel.

Mamma, pabbi, Elín, Helena Helga og Díana Dóra komu hingað í gær - mamma fékk tvær tegundir af garðblómum úr garðinum, þau tóku svo Erlu Dögg með sér suður aftur en hún kom með mér heim á laugardaginn. Takk fyrir heimsóknina þið öll!! Gaman þegar einhverjir nenna í bíltúr hingað í heimsókn :lol::P:haha:

Í dag er ég að hugsa um að reyna að komast smá í garðvinnu - verst er að eftir próftörnina er ég alveg að drepast úr vöðvabólgu - örugglega bara bland af stressi, spennu og álagi, það er ekki sniðugt að fara í próf þegar maður hefur ekki haft tíma til að sinna náminu og reyna svo bara að líta yfir þetta daginn fyrir próf næstum því................ekki góð vinnutækni enda held ég að ég geri allt til að þetta verði nú ekki svona aftur.

Best að drífa sig að gera eitthavað - allavegana hætta að skrifa hér - kannski skúra smá áður en við förum í garðinn....

Vonandi fer sumarið nú að koma fyrir alvöru.......

próf og próf

Wed, 09 May 2007 22:12:59 GMT

Já ég ætla bara að setja inn smá færslu hér - er að stelast frá lærdómnum 8| Á mánudaginn fór ég í stærðfræðpróf sem gekk ekki eins vel og ég vonaði en ég vonast samt til að ná..... tengdó passaði fyrir mig litlu krakkana á meðan - svaka gaman hjá þeim að komast loksins til ömmu:P Ég var í mestu vandræðum að ná þeim til baka - Júlía Rún og Jakob voru líka komin að leika við þau.

Við Erla Dögg og krakkarnir litlu fórum svo í mat til mömmu og pabba, síðan keyrðum við Erlu Dögg til vina sinna og fórum heim.

Í gær kom maður að vinna í garðinum okkar:haha: Alveg frábært. Hann klippti og sagaði og klippti og sagaði og nú sjást trén og garðurinn betur og ég hlakka til að fara að vinna í garðinum núna þegar prófin eru búin og góða veðrið kemur thíhíhí.

Í hádeginu í dag skutlaði ég krökkunum litlu til Katrínar sem passaði fyrir mig þar til Óskar Ingi komst að sækja þau. Ég brunaði suður og beint í íslenskupróf sem barasta gekk ágætlega held ég, mér til mikillar furðu. Annars er oft erfitt að segja því manni getur oft fundist manni ganga vel en hefur svo ekki gert það.................EN ég held samt að þetta fag sé í höfn! Nú sit ég hér heima hjá mömmu og pabba og læri undir íþróttafræðina sem er á morgun og svo er enskupróf á föstudaginn........hef reyndar ekki enn opnað eina af bókunum í því fagi :^) hef barasta ekki haft tíma - en hér hef ég góðan frið allavegana.

Hlakka til á föstudaginn, þá er ég komin í sumarfrí.....

Læra, læra, læra

Sun, 06 May 2007 10:01:06 GMT

Héðan er svosem ekkert mikið að frétta, er búin að vera að nota hverja stund sem gefst til að læra - en ég hef ekki getað sinnt því á þessari önn almennilega og nú eru að koma próf og ég er ekki einu sinni búin að fara yfir allt námsefnið! Þetta er ekki gott til fyrirmyndar en ég barasta hef ekki haft tíma, því miður því ég vil sinna þessu vel, vonandi verður þetta betra á næstu önn, báðir krakkarnir komnir í leikskólann þannig að þetta gengur vonandi betur þá - ég bara vona að mér takist að ná þessu núna en það er alls ekki öruggt:(

Ég er að fara að syngja í fermingu núna klukkan 12. Ásdís passar fyrir mig á meðan en svo tek ég þau og fer með þau í eina fermingarveisluna. Okkur er boðið í veisluna hjá Elínu á Hrútsstöðum - það verður örugglega mjög gaman.

Strákarnir koma heim á eftir og Oddur keyrir Didda í fermingarveislu til Sigga Bjarna inn á Laugum. Honum er líka boðið í Ernis veislu hér í Búðardal, við eigum eftir að redda honum hingað til baka frá Laugum en það hlýtur að bjargast.

Fermingarkortin eru komin og ég póstlegg þau á morgun. Erna hjálpaði mér að gera þau og hún er algjör snillingur:P Ég er alveg svakalega ánægð með þau. Takk Erna!

Jæja verð að fara að hafa til liðið - gefa að borða, klæða og greiða.......... vildi bara aðeins láta vita af okkur hér í Búðardalnum.